Back رسوم جمركية Arabic Arancel AST Gömrük rüsumu Azerbaijani Мито Bulgarian Carina BS Aranzel Catalan Clo Czech Zoll (Abgabe) German Δασμός Greek Tariff English
|
C'l artìcul chè 'l è scrit in
Miranduléś |
Al dasi (da 'l latìn datio ch'a vōl dir dar/cunsgnàr) in camp ecunòmic l'è na tasa ch'a s mét su i prudót furastēr par muciàr sù di bèsi ma specialmènt par far in manéra ch'i prudót ch'i rìvan da 'l èstar i pòsan calàr parchè in dal marcâ intér'n i n cunvìnan piò cuma prima esénd dvintâ più câr. P'r inténd'r-as méj, al dasi l'è na baréra artifisiàla a i flus ad bèṅ fra dū paéś o anc da piò.
In gèrar al dasi al vîṅ pagâ diretamènt da 'l impurtadōr a livèl ad dugàna. Quànd un paéś al taca a métar di dasi dapartùt par prutéś'r-as cóntar la cuncurénsa di prudót furastēr a s dascór ad prutesiunìśum anc se pò a gh'è da mét'r in cònt che chi àt'r i fàg'n àtar tant miténd di cóntar-dasi, dònca l'è n'arma a taj dópi.
I dasi i gh'ér'n anc in di paéś antìg cuma 'l Egìt, la Grécia e 'l imprēr Rumàṅ.
Manéri 'd dir
- Pagàr dasi - èsar punî p'r un quèl śbaliâ ch'a s è fat;
- Far da cajòṅ p'r a n pagàr dasi (o anc Far 'l àśan p'r a n pagàr dasi) - far finta 'd a n capìr minga par far-la franca;